>>>>> ازاي تكوني جذااااااااابة <<<<<

اولا احب اقوللكم ان الجذابية ما ليهاش مواصفات معينة فممكن تكونى كبيرة او صغيرة ومش لازم تمتلكى جسم عارضات ازياء. تانى حاجة الجذابية لا تكون لأغراء الرجال انتى جميلة و جاذبيتك هى سحرك و مش من الضرورى عشان تكونى جذابة تلبسى ملابس ضيقة او فاضحة. ومش من الضرورى تصرفى مبالغ كبيرة على الملابسو الميكياج انتى ممكن تكونى جذابة بأقل التكاليف وابسط الخطوات المهم انك تركزى على اربع نقط مهمة اقريها و تعلميها
اللوك الخارجى:
لبس الكاجوال وربط شعرك دايما مش امر جذاب لازم يكون ليكى ستايل خاص اتفرجى على مجلات الموضة اختارى اللوك المناسب ليكى واقتبسى الافكار من صديقاتك و مجتمعك عشان متكونيش شاذة وسطهم
وحافظى على جمال ونظافة حذائك وسلامة كعبه لانه بيأثر كتير على الشكل وغيرى فى الوان لبسك وان كنتى محجبة ما تبلغيش فى تعقيد الطرحة عليكى فالبساطة بتدى شكل رائع واختارى لطرحك الوان ناعمة مناسبة لسنك.
اذا كنتى طويلة فما تلبسيش ملابس مقلمة بالطول وما تبلغيش فى طول الكعب.
وحافظى على نظافة شعرك وجماله وما تستعمليش سبراى الشعر لانه يؤدى لتلف الشعر مع الاستخدام المستمر.وان كنتى محجبة ما تبلغيش فى تعقيد الطرحة عليكى فالبساطة بتدى شكل رائع واختارى لطرحك الوان ناعمة مناسبة لسنك ومتنيش الاهتمام بشعرك حتى لو كان متغطى.
اسنانك واجهة ليكى لازم تكون دايما نظيفة ولامعة و امضغى اوراق نعناع عشان تحصلى على رائحة فم منعشة.
لا تشترى ملابس داخلية رخيصة لان الثياب الدخلية هى الاساس وهى الى بترسم شكل الجسم فاحرصى على اختيار الملابس الداخلية المناسبة لجسمك.
شخصيتك:
مهما كنتى جميلة لازم تكونى ذات شخصية مقبولة لكى تحصلى على اعجاب الجميع.فكونى هادية متواضعة طيبة و ما تتصرفى بعجرفة
ابتسمى لما يتحدث ليكى احد وكونى مرحة لكن بحدود.
طريقة وقوفك:
ما تخليش شكل جسمك يكون عقبة فى ان انتى تكونى جذابة فالوقوف يجب ان يكون مستقيم وبثقة .
ومشيتك مهمة جدا فامشى بثقة ولا تختبئى تحت الملابس وارجعى كتافك للخلف وظهرك مستقيم و لا تنظرى للارض ولو ما كنتيش متعودة على كده فالافضل انك تتدربى من دلوقتى اقفى وظهرك للحائط 5 دقايق يوميا.صوتك:
اتكلمنى بصوت هادئ ومنخفض بس مش اوى لازم يكون مسموع و واضح.وما ترجعيش راسك للخلف وانتى بتتكلمى و ما تتضحكيش كتير او بصوت مرتفع ولا تضربى الارض برجلك افتكرىدايما انك فتاة جميلة جذابة.
وفى النهاية احب اقول لكم ان الثقة اهم شئ فكل امرأة جميلة ولازم هى تكون اول واحدة معترفة بجمالها عشان يقتنع بيها الاخرين
كل يوم فبل ما تنزلى اقفى قدام المراية وشوفى نفسك ملكة واوعى تقلقى من انك تكونى خفية وسط الناس استمتعى بحياتك من غير الاهتمام بأراء الاخرين فيكى.
مهما كان شكلك النهاردة ثقى بنفسك وانزلى مهما كان الوضع انتى اجمل واحدة فى الدنيا